Mill-Arkivji : Programme 45 : Mark Camilleri

Abstract

Fil-programm ‘Mill-Arkivji’ tas-17 ta’ Diċembru 2023, is-Sur Mark Camilleri li se jkellimna fuq l-aħħar pubblikazzjoni tiegħu ‘The Life and Times of Juan Bautista Azopardo’, wieħed mill-aktar personaġġi Maltin li għamlu isem kbir barra l-pajjiż.

Juan Battista Azopardo (1772-1848) kien kursar, negozjant fuq il-baħar, u militant li ġġieled taħt il-bnadar tal-Olanda, Spanja u l-Arġentina. Jibqa’ magħruf sew fl-Arġentina għall-kontribut li ta lill-armata. Fl-Arġentina hemm diversi skejjel, toroq u anke xwieni tal-flotta tal-Arġentina imsemmijin għalieh. Fl-Isla hemm ukoll monument għalieh.

Mark Camilleri jagħtina dettalji dwar ħajtu fuq il-baħar u l-kontribut marittimu li ta fl-Arġentina u pajjiżi oħra. Jagħti deskrizzjoni tar-riċerka vasta li għamel f’diversi arkivji f’Buenos Aires, Cadice, British Library, Montevideo u hawn Malta.

Mark Camilleri huwa storiku, kittieb, blogger, u pubblikatur Malti. Huwa serva bħala chairman tal-Kunsill Nazzjonali tal-Ktieb mill-2013 sal-2021. Huwa gradwat mill-Universita ta’ Malta b’Maġisteru fl-istorja. Huwa ħadem bi sħieħ biex titneħħa l-liġi taċ-ċensura u ta dan’ ġie mogħti midalja għall-Qadi tar-Repubblika (M.Q.R) fl-2013.

Mark Camilleri jikteb regolarment fuq il-blog tiegħu u jniedi x-xogħlijiet tiegħu permezz tad-dar tal-pubblikazzjoni tiegħu stess, bl-isem ta’ Dar Camilleri. Pubblikazzjonijiet jinkludu r-rumanz tiegħu ‘Ġaħan fl-Aqwa Żmien’ u ‘L-Antoloġija ta’ Letteratura Mqarba’. Huwa l-awtur ta’ ‘A Materialist Revision of Maltese History 870-1919’ , u dak ghas-snin 1919-1979; u ‘A Rent-Seeking Paradise’.