Mill-Arkivji : Programme 46 : Eddie Attard

Abstract

Fil-programm ‘Mill-Arkivji’ tal-24 ta’ Diċembru 2023, is-Sur Eddie Attard se jkellimna fuq ir-riċerka li għamel fuq id-delitti f’Malta.

Is-Sur Eddie Attard twieled Tas-Sliema fl-1947. Studja l-Liċeo u fl-1966 daħal fil-Korp tal-Pulizija ta’ Malta. Bejn l-1977 u l-1986 kien inkarigat mill-pubblikazzjonijiet tal-pulizija.

Attard ippubblika tliet kotba dwar l-istorja tal-Korp tal-Pulizija ta’ Malta, u żewġ kotba dwar il-Ħabs Ċivili ta’ Kordin. Huwa wkoll l-awtur ta’ Delitti f'Malta, il-kronika tal-każijiet kollha ta' omiċidji li seħħew f'Malta mill-1800 sa 2012.

Attard huwa l-awtur ta’ pubblikazzjonijiet oħra fuq Femiċidji, Prostituzzjoni, il-Piena Kapitali, Assassinji internazzjonali, u dwar il-ġrajjiet tat-28 t’April 1958.

Eddie Attard se jkellimna dwar ir-riċerka li għamel mill-gazzetti tas-seklu 19 u 20 fit-triqtu għall-pubblikazzjonijiet dwar delitti u każijiet kriminali oħra li seħħew f’Malta. Liema kienu l-aktar delitti li baqgħu jissemmew? Kif kienet il-ġrajja tas-serqa tal-pagi tad-Dockyard?

Is-sur Attard jitkellem ukoll fid-dettal dwar dak li seħħ fit-28 t’April 1958 u l-battibekki bejn Mintoff u l-Kummissarju De Gray.