Diskors fit-tnedija tal-kotba, ‘Notes on succession law’ and ‘Essays in family law’

Abstract

Din id-darba antiċipajt u ppreparajt erba’ kelmiet bil-Malti. Veru li l-kotba huma bl-Ingliż, veru wkoll li din il-ġimgħa kont qed inkellem studenta tal-Erasmus u qaltli li batiet għaliex il-lecturers jaqilbu għall-Malti u jinsewhom lill-barranin, imma hija verita’ wkoll li meta toħorġu fid-dinja tax-xogħol, hawn Malta l-lingwa li nużaw ġeneralment hija l-lingwa Maltija u allura tajjeb li nitgħallmu minn issa kif nikkonunikaw fuq livell professjonali, fil-lingwa tagħna. Mil-banda l-oħra naqbel li l-kotba jiġu ppubblikati bl-Ingliż għaliex b’hekk inżidu fir-readership tagħna. Ngħid għalija, meta nżur akkademiċi barra minn Malta, jew jiġu huma jżuruna Malta, inħobb intihom xi kotba miktuba minna, u naf li dawn japprezzawhom għaliex ikunu jistgħu jaqrawhom, kif ukoll għaliex ikollhom aċċess għal materjal dwar Malta bl-Ingliż (importanti peress li fost affarijiet oħra ma jistgħux jaqraw is-sentenzi tal-qrati tagħna peres li dawn huma bil-Malta – s’intendi minix nikkunsidra t-teknoloġija għaliex illum faċli naqilbu t-test għal lingwa oħra).