Is-sejba ta' għadam uman u materjal pre-istoriku : Fiż-Żebbuġ Għawdex fl-1986

Abstract

Bejn l-1980 u l-1988 fiż-Żebbuġ, Għawdex, kien qed isir xogħol estensiv fuq is-sistema tad-drenaġġ fil-parti t'isfel tar-raħal, magħrufa bħala "x-Xagħra l-Kbira". Fl-1986 waqt Ii kien għaddej xogħol ta' skavar tat-trinek fi Triq Għajn Mhelhel, instabet kwantita' t'għadam uman, kif ukoll varjeta' ta' biċċiet tal-fuħħar. Il-ħaddiema nvoluti mill-ewwel irrapportaw din is-sejba xejn mistennija lill-awtoritajiet konċernati, Ii min-naħa tagħhom ħadu ħsieb jirkupraw il-materjal sabiex jiġi konservat u eventwalment studjat. Wara diversi snin maħżun fiddalma taż-żmien, dawn il-fdalijiet reġgħu raw id-dawl meta studenta Amerikana, Kirsten Lopez, kienet qed tagħmel internship ma' Heritage Malta, propju fil-gżira tagħna. Fost il-materjal Ii ġibed l-attenzjoni tal-istudenta kien hemm dawn il-fdalijiet misjuba fir-raħal taż-Żebbuġ. Wara studju u analiżi dettaljata, is-sinjorina Kirsten Lopez ħarġet rapport Ii jagħti informazzjoni ġdida u ferm interessanti fuq l-għadam u l-fuħħar misjub fi Triq Għajn Mhelhel, xi tletin sena ilu. L-iskop ewlieni ta' dan l-artiklu hu Ii naqsmu magħkom din l-informazzjoni u flimkien nippruvaw nifhmu u napprezzaw l-importanza u s-siwi ta' din is-sejba unika fir-raħal tagħna.