Il-knisja u sptar ta’ San Ġwann Battista Tal-Kavallieri Ospedalieri

Abstract

Faċċata tad-daħla tal-bitħa li hemm quddiem il-Bażilika tal-Qabar ta’ Kristu, hemm il-Moskea ta’ Omar, li nbniet mis-Sultan Ayyubid Al-Afdāl ibn Salāh ad-Dīn fl-1193 biex tfakkar il-post fejn il-Kaliff Omar ibn al-Khattāb talab quddiem il-Qabar ta’ Kristu fis-sena 638, meta l-Patrijarka Biżantin Sophronios ċeda l-belt ta’ Ġerusalemm. Il-minaret tal-Moskea jiddomina fuq il-kampnar tozz tal-istess Bażilika. Maġenbha, proprju faċċata tal-Bażilika, hemm bitħa li minnha titla’ fil-Kappella Griega Ortodossa msejħa Ġetsemani, li fiha hi meqjuma l-ikona tat-Theotókos li fil-festa tal-Koimesis tis Theotókou (Dormizzjoni ta’ Omm Alla) tittieħed fil-kripta ta’ Santa Marija tal-Wied ta’ Ġosafat, fejn hu meqjum il-Qabar vojt tal-Verġni Marija.