Ir-rgħajja skont il-profeta Eżekjel

Abstract

Is-suġġett dwar ir-rgħajja huwa wieħed mis-suġġetti kbar, qawwija u ta’ importanza kbira għal Eżekjel. U billi r-ragħaj għan-nies ta’ l-Orjent jilgħab parti l-aktar kbira u indispensabbli, allura tagħlim dwar dan is-suġġett diġà tkellem dwaru wkoll Ġeremija (23,1-8). Imbagħad mijiet ta’ snin wara irrefera għalih ukoll Ġesu fil-Vanġelu ta’ San Ġwann kap 10. Anzi Ġesù jgħid li huwa r-ragħaj it-tajjeb. Għalhekk il-profeta ta’ l-eżilju mill-mod ta’ kif iwassal it-tagħlim dwar il-persuna u x-xogħol partikulari tar-ragħaj jixħet dawl dwar il-ħidma tant għolja u meħtieġa tar-ragħaj dejjem f ’relazzjoni mal-merħla tiegħu. U dan għaliex minn dak kollu li toffri l-merħla, ħalib, ġobon,laħam, suf, ġilda u anke id-demel tiddependi l-għajxien tar-ragħaj u tal-familja kollha tiegħu flimkien mad-demel għall-għelieqi tiegħu.