Mill-Arkivji : Programme 54 : Carl Farrugia

Abstract

Fil-programm ‘Mill-Arkivji’ tat-18 ta’ Frar 2024, ħa nitkellmu mas-Sur Carl Farrugia, l-arkivista tal-Għaqda tal-Pawlini. Carl Farrugia ħa jgħid l-istorja tat-twaqqif ta’ din l-Għaqda u l-kontribut ta’ nies li taw seħem importanti biex din twaqqfet, fosthom Pawlu Axiaq, tenur ta’ fama mondjali li ħalliena xi snin ilu. X’wieħed isib f’dan l-arkivju? Insibu l-minuti, korrispondenza, dokumenti amministrattivi u dawk finanzjarji, kif ukoll l-istorja tal-Għaqda, il-posters, programmi tal-festa, attivitajiet kulturali u wkoll memorablia dwar il-festival Pawlin li kien isir bosta snin ilu. Carl Farrugia għex il-Belt Valletta għal bosta snin. Huwa kiseb il-baċellerat fil-Komunikazzjoni u l-Malti mill-Università ta' Malta u wara l-maġisteru fil-Komunikazzjoni mill-Università ta' Leicester. Huwa wkoll qarrej tal-provi u fotografu freelancer. Carl huwa membru tal-Għaqda tal-Pawlini u huwa parti mill-Kummissjoni tal-Komunikazzjoni u l-Bord Editorjali tal-Ktieb tal-Festa. Huwa serva f'diversi fergħat tal-Għaqda fosthom il-Fergħa Żgħażagħ Pawlini,u l-Akkademja Kulturali Pawlina.