Wirja ta' Bambini

Abstract

Huma l-bosta l-pajjiżi li għandhom tradizzjonijiet marbuta ma' Ġesu Tarbija jew Tfajjel, il-Bambin. Magħrufin huma l-Ġermanja, ir-Repubblika Ċeka u l-Italja. Aħna f'Malta ħadna ħafna mill-Italja u mit-tradizzjonijiet Sqallin, Naplitani u Rumani. M'inix se nikteb fuq dawn kollha. Il-Bambin huwa rrappreżentat f'għamliet u b'materjal varju. Il-materjal jista' jkun tax-xema', ġibs, injam, tafal, ġebel, resin, kartapesta, plastik, ċeramika, u l-bqija. L-għamla tal-qagħda tal-Bambin tvarja wkoll, kif ukoll it-tiżjin li fih jitqiegħed jew jiġi mdawwar - waħdu, f'kaxex, f'bozoz jew niċeċ tal-ħġieġ, bil-fjuri tal-ganutell, taħt siġar, binngħaġ u bil-bebbux tal-baħar, tiben, ħarir, damask ...