Oliver Friggieri (1947-2020) : iben dehn tal-Floriana u ta' Malta

Abstract

Fil-21 ta' Novembru, 2020, ġriet l-aħbar ma' Malta kollha li l-Professur Oliver Friggieri kien ħalla lil din id-dinja. Ma' din l-aħbar, inħasset diqa madwar il-pajjiż kollu iżda fl-istess ħin bdiet nixxiegħa ta' apprezzamenti u eloġji lejn dan il-persunaġġ li fil-kobor tal-għerf tiegħu kien jagħraf ukoll il-kobor tal-umilta' ġenwina mnebbħa minn rispett sinċier lejn kull esseri uman, hu x'inhu l-istat soċjali tiegħu u jokkupax pożizzjoni għolja jew le, u għalhekk Oliver Friggieri kien irreċiprokat billi kien igawdi huwa wkoll mir-rispett u l-affezzjoni ta' kulħadd. Għaldaqstant it-telfa tiegħu inħasset mill-Maltin kollha għalkemm ma nkunu qed nikxfu l-ebda sigriet meta ngħidu li nħasset l-aktar minna l-konċittadini Furjanizi tiegħu.