Il-Konċilji Ekumeniċi bejn is-sekli 6 u 9

Abstract

Wara l-waqgħa ta’ Ruma l-Imperu Ruman kompla jeżisti għal elf sena oħra ċċentrat madwar Kostantinopli, u l-imperaturi kienu mejusa bħala l-protetturi tal-Knisja u tal-Kristjaneżmu. L-għanijiet tal-Knisja mhux dejjem kienu l-istess bħal dawk tal-imperaturi, u għalhekk ilkonflitti ma naqsux. F’dan iż-żmien il-Knisja kienet f’sitwazzjoni xi ftit żvantaġġjata għaliex ladarba kienet tiddependi mill-protezzjoni tal-imperatur, l-affarijiet kienu jsiru diffiċli u skomdi meta l-patrijarki ta’ Ruma (jiġifieri l-Papiet) ma kinux jaqblu ma’ dak li ried l-imperatur. Fis-seklu ħamsa l-Konċilji kienu ta’ interess għall-imperaturi għax uħud minnhom ġenwinament kienu qed ifittxu li l-fidi nisranija tkun korretta, iżda bħalma se naraw dak li wassal lill-imperaturi tas-sekli sitta sa disgħa biex isejħu l-konċilji ma kienx l-interess fl-ortodossija daqs kemm kien il-bżonn li jintlaħaq ftehim biex ma jkunx hemm firdiet fl-imperu. F’dawn l-erba’ konċilji li se naraw jibda joħroġ aktar fid-deher il-bżonn talKnisja (speċjalment dik Rumana) li tiddistakka ruħha mill-jasar politiku biex tkun tista’ tiddefendi l-ortodossija