Un Saluto a Malta (Sinfonia) : Mro. Willie Attard

Abstract

Dan l-artiklu qed jidher fl-okkażjoni ta’ għeluq il-45 anniversarju mill-mewt ta’ Mro. Willie Attard (1899-1970) li, fil-karriera twila tiegħu bħala mużiċist ta’ ħila, għalliem metodiku, u surmast-direttur mill-aqwa fix-xena bandistika ta’ pajjiżna, ħallielna wkoll għadd imdaqqas ta’ xogħlijiet immortali fosthom, erba’ Innijiet di Gloria fil-forma ta’ Kantata u innijiet oħra fil-forma ta’ marċ, marċi sinfoniċi, brijużi u funebri, kif ukoll arranġamenti ta’ mużika operistika u oħra għall-banda. Fost dawn ix-xogħlijiet mill-pinna tiegħu nsibu s-sinfonia Un Saluto a Malta li ġġib id-data tat-30 ta’ Novembru 1933. Niżżi ħajr b’mod speċjali lis-Sur Joe Cauchi, segretarju ġenerali tas-Società Filarmonica ‘La Vittoria’ A.D. 1907 tal-Mellieħa talli għoġbu jislifni kopja tal-partitura biex stajt ninseġ dan l-artiklu.