L-Innu ‘O del Cielo Regina’ ta’ Mro. Antonio Miruzzi

Abstract

Għal dis-sena ħsibt li nikteb fuq xiħaġa differenti minn tas-soltu. Dan il-ħsieb wassalni biex, minflok is-soltu artiklu fuq xi xogħol minn ta’ Mro. Angelo Pullicino għażilt wieħed mill-pinna ta’ Mro. Antonio Miruzzi (1867-1944). Dan peress li, ħafna mix-xogħlijiet tiegħu jinsabu mxerrdin fl-arkivji ta’ ħafna baned Maltin u Għawdxin fosthom, dak tal-Għaqda Karmelitana Banda Queen Victoria taż-Żurrieq stess. Barra minn hekk, naf li l-Innu popolari ‘O del Cielo Regina’ huwa wisq għal qalb iż-żrieraq karmelitani. Għaldaqstant, din is-sena qed niddedika l-ispazju ta’ dan l-artiklu għal wieħed mill-ġawhar żgħar fil-lista ta’ kompożizzjonijiet ta’ dan il-kompożitur prolifiku u versatili Malti.