Qawwas il-watar

Abstract

Qawwas il-watar huwa l-isem ta’ waħda minn serje ta’ taħditiet animati fis-Sensiela Serati Mużikali. L-għan tagħhom hu li jedukaw lill-qarrej biex tagħraf tapprezza aħjar l-arti mużikali fil-forom kollha tagħha. Din it-tielet serata kienet saret ġo Każin tal-Banda nhar il-Ħamis 5 ta’ Diċembru 2002. Fiha ngħatat ħarsa twila u mifruxa ta’ kif twieled u żviluppa l-vjolin, u l-ewwel dehra tiegħu fl-Italja fl-ewwel nofs tas-seklu sittax. Biex l-udjenza setgħet tifhem u tapprezza aħjar, żewġ studenti tal-akkademja fi ħdan l-istess Banda, Matthias Azzopardi u Gian-Paul Gauci, sammgħulna l-ħoss tal-vjolin billi daqqewlna xi xogħlijiet magħrufin ta’ kompożituri rinomati. Min-naħa tiegħu, il-kitarrista Ruben Muscat kien tana biċċtejn xogħol fuq il-kitarra klassika. Sar ukoll qari ta’ żewġ poeżiji minn Ronald Briffa, “Il-vjolin marid” (Rużar Briffa), u “Biex tifhem il-vjolini” (Mario Azzopardi). Is-serata kellha direzzjoni artistika u preżentazzjoni tiegħi.