Antifona per S. Giuliano (1902) ta' Alberto Vella : l-ewwel parti

Abstract

Kif jafu tajjeb il-qarrejja tal-Annwal tal-Knisja l-Antika ta’ San Ġiljan Ospidalier ta’ kull sena nagħżel li nikteb artiklu fuq xi xogħol mużikali sabiħ b’rabta ma’ dan il-qaddis ta’ dan is-subborg marittmu li jġib l-istess isem tiegħu fosthom, iż-żewġ antifoni ta’ Paolo Nani tal-1847 u l-1893 rispettivament. Għaldaqstant, fil-ħarġa ta’ din is-sena għażilt li nikteb fuq it-tielet waħda bl-isem ta’ Antifona per S. Giuliano (1902) tas-Surmast Alberto Vella. Din l-iskoperta kien għamilha Dun Ġwann Galea snin ilu meta hu wkoll kien qed jirriċerka fl-arkivji tal-mużew tal-Katidral tal-Imdina. Nieħu din l-okkażjoni biex niżżi ħajr lill-kuratur tal-mużew tal-Katidral tal-Imdina tal-għajnuna li dejjem sibt mingħandu kemm domt nirriċerka fuq dan ix-xogħol.