Is-seminarju minuri ta' Għawdex : 150 sena ta' formazzjoni u tagħlim edukattiv

Abstract

Din it-teżi tagħti ħarsa ħafifa lejn it-twaqqif tad-djoċesi ta' Għawdex, u l-formazzjoni tas-seminarju bħala skola sekondarja; jiġifieri eskluż it-tagħlim tal-filosofija u t-teoloġija. Matul is-snin, is-Seminarju Minuri ta' Għawdex spikka fil-qasam edukattiv, u għal żmien twil kien wieħed mill-aqwa skejjel f'Malta u Għawdex. Wara ħarsa storika dettaljata ta' din l-iskola, jiġi analizzat l-ethos u l-ħajja li fiha kienu jgħixu l-istudenti f'dawn l-aħħar mija u ħamsin sena. Jingħata għadd ta' tagħrif dwar proġetti sinifikattivi fis-Seminarju, fosthom għadd ta' bidliet amministrattivi u infrastrutturali, l-istazzjon meteoroloġiku, u t-teatru. Apparti l-proġetti, tingħata informazzjoni dettaljata dwar is-suġġetti li kienu jiġu mgħallma fis-Seminarju, wħud minnhom bħall-Fiżika, għall-ewwel darba f'Malta; lista ta' l-għalliema li kienu jgħallmu f'din l-iskola; u l-ammonti ta' studenti li kienu jattendu din l-iskola matul is-snin.