Mro. Antonio Miruzzi (1867-1944) : ir-re tal-baned Maltin fl-ewwel tliet deċennji tas-seklu għoxrin

Abstract

Din is-sena jaħbat il-150 anniversarju mit-twelid ta’ wieħed mis-surmastrijiet l-aktar prolifiċi u versatili li qatt rat id-dinja bandistika ġewwa pajjiżna. Qed nirreferi għal Mro. Antonio Miruzzi, li twieled il-Furjana fl-10 ta’ Ottubru, 1867 u miet il-Ħamrun fit-23 ta’ Ottubru, 1944. M’hawnx banda waħda f’Malta u Għawdex li m’għandhiex xi marċ brijuż jew funebri, jonkella xi innu, ‘żgħir’ jew ‘kbir’ minn tiegħu. Għaldaqstant, permezz ta’ dan l-artiklu, is-Soċjetà Filarmonika ‘Santa Marija’ tal-Mosta qed tingħaqad flimkien ma’ baned oħrajn biex issellem il-memorja ta’ dan il-bniedem li ta’ ħajtu għall-arti tal-anġli li hija l-mużika.