Il-bambini tal-Milied tal-Kolleggjata ta’ Bormla

Abstract

L-użu tal-Bambin matul il-quddiesa tal-Milied huwa xi ħaġa riċenti bħal ma hija riċenti f’ċertu parroċċi l-quddiesa ta’ nofs il-lejl. L-użu tal-Bambin, jiġifieri dik il-figura ta’ tifel kważi għarwien fuq ftit tiben jew esebit b’mod aktar solenni ġewwa xi ġilandra ddaħħlet bħala tradizzjoni mill-patrijiet Franġiskani fid-dinja Kattolika Latina. Huma bdew jarmaw Ġesù Bambin fil-knejjes tagħhom. Il-Kult u d-Devozzjoni lejn il-Bambin f'Malta ddaħlet permezz tal-Karmelitani Skalzi li kienu jinsabu ġewwa Bormla. Fil-knejjes ta' Bormla wieħed jista jsib ħafna Bambini antiki li juru l-evoluzzjoni tagħhom mil-lat artistiku. Dan l-artiklu jiddiskuti l-istorja u l-istil artistiku ta' dawn il-Bambini kif ukoll it-tradizzjonijiet u l-istorja tal-Kult u Devozzjoni lejn il-Bambin f'Malta.