Xi xogħlijiet ‘medji’ u ‘kbar’ fir-repertorju ta’ Mro. Antonio Miruzzi

Abstract

Dis-sena hija waħda speċjali għad-dinja bandistika Maltija peress li fiha qed niċċelebraw għeluq il-150 sena mit-twelid ta’ wieħed mill-kompożituri lokali l-aktar prolifiċi u versatili. Dan huwa Mro. Antonio Miruzzi (1867 – 1944), li twieled il-Furjana u miet il-Ħamrun. Għal dawn l-aħħar snin, fil-ktieb tal-festa titulari Lijana kelli x-xorti li nikteb mhux ħażin dwaru u ħidmietu bħala surmast-direttur ta’ għadd kbir ta’ baned fosthom, il-Banda ‘Papa Piju X’. Permezz tal-kitba annwali tiegħi wkoll, qed inlaqqagħkom mal-kapolavur illi ħalla lil dis-Soċjetà mużikali – l-Innu Solenni lil ‘Ġesù Salvatur’. Għadaqstant, ħassejt li, għal dis-sena speċjali tkun ħaġa tassew xierqa jekk nikteb dal-artiklu tal-anniversarju fuq xi xogħlijiet ‘medji’ u ‘kbar’ li ħarġu kotrana mill-pinna inimitabbli tiegħu.