L-evangelizzazzjoni mixja lejn fidi matura

Abstract

Domanda li baqgħet tiġi hi: Jien li jien membru fil-Knisja b'sejħa li nxandar l-Evanġelju bis-saħħa tal-ordinazzjoni saċerdotali tiegħi, għandi fidi matura? Imma mhux ġieli ġara lili wkoll li ltqajt ma' nies ikbar jew iżgħar minni li l-fidi tagħhom tbellaħni? Meta mmur inqarben waħda anzjana fil-wheel chair u ngħidilha: "Kif tħossok?" U tgħidli: "Ma jonqosni xejn Father". U jien u ħiereġ ngħid lili nnifsi: "Oqgħod ipprietka Patri!" Jew inkella meta nkun qed nitkellem ma' omm li qed trabbi tifel b'diżabilra. severa u tgħidli: "Father, negħja, imma ma rridx nitlef sekonda minn miegħu; ġiri l-isptar, ma nistax nagħmel ixxogħol li dejjem xtaqt nagħmel, imma issa ma nimmaġinanix mod ieħor". Jew inkella dak li darba qalli wieħed raġel: "Lili Ġesu għallimni naħfer". Jew inkella persuna li naf li għandha żewġ cancers li tgħidli: "Twieled kanċer ieħor, f'idejH, jagħmel Hu". Dawn għalija huma kollha esperjenzi konkreti ta' xi tfisser fidi matura, jiġifieri 'l-fejn irridu nimxu.