Id-Dumnikani fi zmien l-Ahhar Gwerra

Abstract

Immorru fi ħsiebna fl-Aħħar Gwerra Dinjija. Fost il-ħafna attakki tal-għadu kien hemm wieħed li sar fid-19 ta' April 1942 - (70 sena ilu). Kien bumbardament ta' bombi mmirati għall-Port il-Kbir. Dakinhar, bomba kbira ġiet qrib il-kampnar ta' fuq (tal-Knisja tagħna), fil-bini tal-kantuniera ta' Triq Merkanti ma' Triq San Duminku. Din kissret il-ħġieġ tal-knisja, il-ħġieġa kbira tan-niċċa ta' San Viċenz u l-ħġieġ tan-niċeċ tal-Ecce Homo, ta' San Ġużepp u tal-Beata Imelda. Ħafna għadhom jiftakru l-mirak1u li sar mill-istatwa artistika ta' San Duminku meta bI-istess theżżiża ta' din il-bomba, il-ħġieġa kbira tan-niċċa ta' San Duminku nfetħet waħedha bla ma tkissret u l-istatwa ħarġet fuq il-bradella bir-roti, sa quddiem l-ewwel altar qrib dak ta' San Piju. Ftit jiem wara, fis-27 ta' April, bomba oħra laqtet u ġarrfet għal kollox kemm l-Oratorju tarRużarju kif ukoll saru ħsarat kbar lill-oratorju viċin tas-Sagrament Imqaddes. Dawn iż-żewġ Oratorji, jinsabu fil-kunvent, fin-naħa ta' wara tal-knisja.