L-ambjent naturali tal-Gzejjer Maltin

Abstract

L-ambjent naturali tal-gżejjer Maltin huwa parti mill-ambjent globali li kulma jmur qiegħed jinkwieta lill-bniedem. Il-mezzi ta’ komunikazzjoni moderni qarrbuna lejn xu1xin, qegħdin fejn qegħdin fid-dinja, u nifhmu li l-ambjent komuni jrid jinqasam ma' kulħadd: bnedmin u abitanti li m'humiex bnedmin. Problemi bħall-popolazzjoni umana kbira. il-bidla fil-klima globali, it-telfien ta' ħabitat u bijodiversita’, l-erożjoni tal-ħamrija, il-qerda tal-foresti, it-tniġġis ta’ l-arja u ta’ l-ilma: dawn kollha saru aħbarijiet ta' kuljum. Il-bniedem irid ikompli jitgħallem jgħix sostenibbli b'inqas qerda għall-ambjent. Jekk kulħadd jieħu ħsieb ta' l-ambjent naturali fl-inħawi tiegħu, inkunu kollha f'daqqa qegħdin nieħdu ħsieb ta' l-ambjent globali. L-Ambjent għandna bżonnu għall-għajxien u huwa parti mill-wirt tagħna. Minħabba f'hekk ir-roqgħa ambjentali tagħna tidħol fil-qasam tal-kultura xjentifika. [ Daħla- Charles Briffa, Editur Ġenerali ]