Innu Popolari lil San Filuppu d'Aggira

Abstract

Għall-artiklu ta’ dis-sena għażilt li nitkellem fuq wieħed mill-għexieren t’innijiet reliġjużi li kiteb is-surmast Ġużeppi Caruana tul il-ħajja pjuttost qasira tiegħu. Dan iġib l-isem ta’ ‘Innu Popolari lil San Filippu D’Aġġira’ u għandu versi tal-Mons. Dun Karm Psaila. Dan hu biss wieħed minn għadd t’innijiet li l-Poeta Nazzjonali kiteb f’ġieħ il-Qaddis iż-Żebbuġin. Jidher li dal-Innu ħareġ mill-pinna tiegħu għall-ħabta tal-1924 u ġie mmużikat f’xi żmien qabel il-mewt tal-kompożitur li ġrat fil-21 ta’ Novembru, 1931, proprju lejlet il-festa liturġika ta’ Sta. Ċilja, il-qaddisa patruna tal-mużiċisti. L-għan ta’ dal-artiklu hu biex jgħin lill-qarrej jiskopri s-sbuħija tiegħu fil-versi tal-poeta u l-melodija tal-widna li l-kompożitur għoġbu jżejjinhom biha.