L-Innu tal-Banda ‘Sant’ Andrija’ : It-Tieni Parti

Abstract

Fil-ktieb tal-festa tas-sena l-oħra konna tkellimna fit-tul fuq iċ-ċirkustanzi li fihom twieled l-Innu tal-Banda ‘Sant’ Andrija’ u fl-istess ħin sirna nafu wkoll ħafn’ aktar mill-qrib lil Mro. Antonio Miruzzi bħala l-awtur ta’ dal-innu fl-okkażjoni tal-150 sena minn twelidu. Izda, bi pjaċir inħabbar li, ir-riċerka tiegħi fuq dal-Innu għadha għaddejja tant li, minn arkivju li qed naħdem fuqu bħalissa, irnexxili nsib aktar tagħrif li żgur ser jinteressa lill-qarrejja, b’mod partikolari lill-anzjani tas-Soċjetà li jiftakru l-jum tal-inawgurazzjoni tal-planċier il-ġdid li saret fl-20 ta’ Settembru 1959. L-artiklu tiegħi semmejtu ‘Anniversarju doppju’ għall-fatt li, kif ser naraw, l-inawgurazzjoni tal-planċier kienet tikkoinċidi mal-ġublew tal-fidda ta’ Mro. Anton Muscat Azzopardi bħala surmast-direttur tal-Banda.