Id-Damaxxena - knisja u xbiha

Abstract

Meta l-Kavallieri tal-Ordni Ġerosolmitan, mirbuħa minn Soliman II fl-1522, kellhom iħallu l-gżira ta' Rodi, li kienu ilhom fiha mill-1309, huma ġarrew magħhom ukoll mal-4,000 Grieg kattoliku minn Rodi. Xi storiċi jgħidu li dawn ġrew għal 8 snin mal-Kavallieri sakemm fi-aħħar, fl-1530, waslu Malta. Storiċi oħra jgħidu li għadd kbir minn dawk l-4,000 waqfu f'xi bliet tal-Italja, u mal-Kavallieri waslu Malta inqas minn 100 familja. Dak li nafu żgur hu li fl-1575 f'Malta kien hawn biss xi 74 familja, li jagħmlu mat-350 jew 400 ruħ. Lil dawn ii-Griegi ingħatawlhom tlett knejjes żgħar fil-Birgu, fejn marru għammruwkoll għalI·ewwel il-Kavallieri ħalli fihom setgħu jagħmlu l-funzjonijiet reliġjużi tagħhom tir-Rit Grieg jew Orjentali. Dawn il-knejjes kienu dik ta' S. Katerina, li bdiet tissejjaħ tal - Madonna Damaxxena, għaliex fiha tqeghdet ix-xbiha mirakoluża tal-Madonna Damaxxena li l-Kavallieri ġiebu maghhom minn Rodi, il-knisja ta' Sant' Agata li ssejhet ta' San Nikola, qaddis meqjum ħafna fost ii-Griegi, u dik ta' San Nikola li bdiet tissejjah ta' San Gorġ. Minn dawn il-knejjes ma fadalx hlief dik tad-Damaxxena, li flokha llum hemm ii-Kappella ta' San Gużepp, l-oħrajn ġew profanati. Dan l-artiklu jsemmi din il-knisja ta' Damaxxena fil-Belt Valletta, il-kwadru mirakoluz tal-Madonna ta' Damaxxena u l-processjoni li kien jaghmel il-Papas bl-istatwa ta' Kristu Rxoxt