Inwelldu l-ġejjieni flimkien : kurrikulu minimu nazzjonali

Abstract

Il-proċess ta ' reviżjoni u tisħiħ tal-Kurrikulu Minimu Nazzjonali, li kien ġie stabbilit għall-ewwel darba f'Malta fl-1989, nbeda fl-1996 bil-pubblikazzjoni tad-dokument Tomorrow's Schools: developing effective learning cultures, u tkompla bil-pubblikazzjoni, fl-1998, ta' l-Abbozz ta' Kurrikulu Nazzjonali Ġdid għall-Edukazzjoni f’Malta bejn l-eta ta ' 3 u 16-il send. Dan serva ta' spinta biex tul din is-sena twettaq proċess ta' djalogu bejn il-partijiet kollha involuti li wassal ghall-formolazzjoni ta' dan il-Kurrikulu Minimu Nazzjonali ġdid. Is-sena skolastika 1999/2000 hija s-sena li matulha għalliema, ġenituri , studenti u oħrajn b 'interess fl-edukazzjoni ta ' pajjiżna , għandhom ikomplu jifhmu u jħejju ruħhom għat-twettiq ta' dan il-Kurrikulu b'effett minn Ottubru 2000. Id-djalogu dwar l-iżvilupp tal-Kurrikulu hu djalogu kontinwu li għandu mhux biss isaħħah l-isforzi lejn it-twettiq ta' l-għanijiet ta' dan il-Kurrikulu, iżda għandu wkoll iwassal għall-aġġornament meħtieġ wara ħames snin mill-adozzjoni ta' dan il-Kurrikulu.