L-istatwa tal-Immakulata Kunċizzjoni f’Bormla : storja, konservazzjoni u restawr

Abstract

It-tim ta' Atelier del Restauro ġie kkummissjonat biex jirrestawra u jikkonserva l-istatwa titulari tal-Immakulata Kunċizzjoni misjuba fil-knisja Kolleġġjata f'Bormla ddedikata lill-Immakulata Kunċizzjoni. Il-proġett kellu l-għan li jikkonserva u jirkupra l-valur artistiku oriġinali tal-istatwa. Primarjament kien meħtieġ approċċ konservattiv sabiex tiġi indirizzata l-biċċa xogħol ta' arti mhux biss mill-għajn estetika imma l-ewwel u qabel kollox mill-materjali li minnu hi magħmula l-biċċa xogħol ta' arti. Matul il-proġett il-valuri storiċi, soċjali, reliġjużi u estetiċi, li huma sehem essenzjali tal-iskultura ttieħdu inkonsiderazzjoni.