Postijiet ta’ qima u talb fil-Gudajizmu

Abstract

L-ewwel darba li l-Iskritturi Lhud isemmu post ta’ qima lil Alla huwa meta jingħad li Mosè għamel it-Tinda tal-Laqgħa li kienet tintrama u tiżżarma skont il-mixi ta’ wlied Israel fiddeżert (Eż 25-27). Kienet titqiegħed f ’nofs bitħa kbira ta’ elf driegħ għal ħamsin magħluqa b’sensiela ta’ pilastri bid-drapp li kien jiddendel magħhom. Fuq in-naħa tal-Lvant tal-bitħa kien hemm is-santwarju b’daqs ta’ tletin driegħ b’għaxra. Fih kien hemm it-Tabernaklu, mgħotti b’purtiera mdendla fuq ħames pilastri u li fuqha kien hemm minsuġa l-kerubini. L-Arka tal-Patt kienet titqiegħed fit-Tabernaklu, flimkien mal-mejda tal-ħobż tal-presenza, l-altar tal-inċens u l-imnara, il-menorah. Fil-bitħa ta’ barra kien hemm ukoll altar li fuqu kienu jsiru s-sagrifiċċji u vaska tar-ram għall-ħasil ritwali tal-qassisin.