It-talb fir-rakkont tat-twelid u tat-tfulija ta' Gesu'

Abstract

Fir-rakkonti tat-twelid u tat-tfulija ta’ Ġesù, hekk kif inhuma rrakkuntati mill-Evanġelista San Luqa, jispikkaw fost l-oħrajn tliet Kantiċi, jew aħjar tliet talbiet li huma mimlija teoloġija. Dawn huma dawk li fit-tradizzjoni nisranija baqgħu magħrufin bħala l-Magnificat (Lq 1:46- 55); il-Benedictus (Lq 1:68-79); u n-Nunc Dimittis (Lq 2:29-32). Dawn it-tliet Kantiċi jissejħu hekk minħabba l-ewwel kelma rispettiva tagħhom fit-test Latin (il-Vulgata). Mhuwiex l-għan tagħna f ’dan l-artiklu li nidħlu fid-dettalji tal-istruttura, l-awturi, l-oriġini u mudelli ta’ dawn il- Kantiċi. Minflok se nisiltu xi riflessjonijiet li jistgħu jgħinuna nkomplu nifhmu u napprezzaw dawn it-tliet Kantiċi li jagħmlu parti integrali mit-tema tat-talb kif hija żviluppata bħala parti min-narrativa ta’ San Luqa.