Il-Vergini Marija Santissima fl-erba Evangelji

Abstract

Fil-persuna tal-Verġni Marija Santissima naraw l-aħbar it-tajba tal-ewwel evanġelju tal-imħabba ta’ bejn Alla u l-bnedmin kif naraw f’Ġenesi 3:15: “U jien, inqajjem mibegħda bejnek u bejn il-mara, bejn nislek u nisilha, u hu jisħaqlek rasek u int tisħaqlu għarqubu”. Il-Madonna ġiet ppreservata mid-dnub ta’ Adam u Eva u tnisslet bl-ikbar intimità u għaqda ma’ Alla. Mhux ta’ b’xejn mela li f’Marija naraw il-glorja ta’ Alla, dik li hi mimlija bil-grazzja. Hija ġiet magħżula sabiex tkun Omm il-Feddej. Ladarba l-Madonna għandha s-sehem uniku tagħha fil-pjan tas-salvazzjoni, allura l-Bibbja titkellem kontinwament dwarha, u dan insibuh jekk niflu sewwa l-ewwel ktieb tal-Bibbja, il-ktieb tal-Ġenesi u nibqgħu sejrin sal-aħħar ktieb, dak tal- Apokalissi. F’dan l-istudju se naraw il-figura ta’ din il-Mara Verġni u Immakulata Omm Alla fl-erba’ Evanġelji kanoniċi tal-Knisja.