Il-Villa Puniko-Rumana

Abstract

L-inħawi ta' Wied Dalam u Wied Saptan huma miżgħuda bi fdalijiet storiċi marbuta mal-istorja ta' pajjiżna . Biżżejjed insemmu Għar Dalam, li bla dubju hu l-eqdem post storiku fil-gżejjer Maltin, u ftit 'l isfel minnu t-tempju megalitiku fuq l-għolja ta' Borġ in -Nadur, li hu fdal żgħir rnill-villaġġ ta' żmien il-bronż li xi darba kien mifrux ma' medda ferm ikbar ta' art. Irridu nsemmu wkoll it-tempju ta' Melqart u l-misteru ta' fejn kien jinsab. Faċċata ta' Għar Dalam, fuq ix-xaqliba l-oħra tal-wied, madwar 500 jarda 'l bogħod fil-Majjistral tal-fdal ta' Borġ in-Nadur, insibu l-fdalijiet ta' dar kbira tal-kampanja jew kif inhi magħrufa aħjar il-"Villa Rumana." Il -post fejn tinsab din id-dar hu magħruf bħala "Ta' Kaċċatura", pero’ f' dokumenti qodma nsibu referenza għal dan il-post bħala "Ta' Medewiet."