It-talb ta' Gesu', fil-Gnien taz-Zebbug u fuq is-salib fl-Evangelju skont San Luqa

Abstract

It-talb, karatteristika ewlenija fit-teoloġija ta’ Luqa-Atti, ikompli jispikka fir-rakkonti tal-passjoni u l-mewt ta’ Ġesù. Fil-fatt, l-Evanġelista San Luqa jippreżentalna lil Ġesù jitlob fil-bidu nett tal-ġrajja tal-passjoni u fl-aħħar nett. Hekk se naraw f ’dan l-artiklu li fih sejrin nikkonċentraw fuq it-talba ta’ Ġesù fil-Ġnien taż-Żebbuġ u t-talb ta’ Ġesù fuq is-salib. Dawn iż-żewġ waqtiet ta’ talb, huma waqtiet ta’ fiduċja kbira li fihom l-Iben ta’ Alla jkompli juri r-rabta tiegħu mal-Missier tas-Sema kif jagħmel matul in-narrativa kollha tal-Evanġelju.