In-natura tas-sagrificcju (4)

Abstract

F’dan l-artiklu issa se nkomplu naraw dwar in-natura ta’ dawn id-debħiet li kienu jsiru ta’ kuljum f ’numru kbir u bla għadd fuq l-artal li kien hemm fil-bitħa miftuħa fit-tempju ta’ Ġerusalemm. Sewwa li ngħidu wkoll li l-profeti tambru bil-qawwa kollha dwar dawn is-sagrifiċċji, l-aktar għaliex min joffrihom kellu jkun f ’għaqda sħiħa ma’ Alla. Altrimenti kollox ikun battal. Il-profeta Isaija (kap 1 sa 39) li għadda ħafna minn ħajtu qrib sew tal-maqdes kellu kliem iebes tassew dwar dan kollu. “X’tiswieli l-kotra tas-sagrifiċċji tagħkom? Jgħid il-Mulej. Xbajt mis-sagrifiċċji tal-ħruq tal-bdabad u mix-xaħam tal-bhejjem smien. Id-demm tal-gniedes u l-ħrief, u talimtaten ma jogħġobnix” (Is 1,11).