Il-kelma ta' Alla fil-kelma ta' Alla

Abstract

Fil-paġni tal-Kotba Mqaddsa ninnutaw kif il-Kelma ta’ Alla tasal għand persuni differenti permezz ta’ ħolm, viżjonijiet, minn ilħna mis-sħab jew inkella direttament fil-qalb jew fil-moħħ tal-bniedem. Mhux biss, imma din l-istess kelma tasal taħt forom differenti, bħal ngħidu aħna, f ’forma ta’ twissija, wegħda, ġudizzju, barka jew saħta. Il-ħajja tal-poplu ta’ Alla kienet kollha kemm hi taħt id-direzzjoni tal-Kelma tal-Mulej. Kien il-Mulej li jmexxi lill-poplu tiegħu permezz tal-Kelma tiegħu fl-għażliet tas-slaten, fil-gwerer li kienu ġġieldu, fil-ħajja soċjali u reliġjuża tagħhom.