Editorjal : l-ewwel Papa fl-Art Imqaddsa

Abstract

Minn żmien San Pietru l-ebda Papa qatt ma rifes l-Art Imqaddsa. Kellu jkun il-Papa Pawlu VI li, fil-ġranet 4-6 ta’ Jannar 1964 ġie bħala pellegrin fl-Art ta’ Ġesù. Din is-sena qegħdin infakkru l-50 anniversarju minn din il-ġrajja hekk importanti. Importanti mhux biss għaliex il-Papa ġie l-Art Imqaddsa, imma fuq kollox għax kien f ’dik l-okkażjoni li, wara mijiet ta’ snin ta’ firda bejn il-Knisja tal-Lvant (Kostantinopli) u l-Knisja tal- Punent (Ruma), firda li bdiet fl-1054, il-Papa Pawlu VI iltaqa’ mal-Patrijarka Ekumeniku ta’ Kostantinopli, Atenagoras, proprju f ’Ġerusalemm, f ’ġest ta’ rikonċiljazzjoni li fetaħ beraħ il-bibien tad-djalogu ekumeniku bejn il-Knisja Kattolika u l-Knisja Griega Ortodossa.