Meta ċediet il-flotta navali Taljana - vapuri miġjuba f'Malta ġewwa l-Port il-Kbir u l-Port ta' Marsaxlokk

Abstract

Naħseb li meta wieħed isemmi t-tieni gwerra dinjija, il-ħsieb imur dejjem fuq qerda u mewt, imma lejn it-tmiem tal-1942 u nofs 1943 l-attakki mill-ajru naqsu sew biex ma ngħejdux illi spiċċaw għal kollox. Pajjiżna kien raġjonevolment kalm għajr li konna għadna fil-gwerra. Malta kienet tintuża sabiex jinġiebu feruti għall-kura. It-Taljani għall-aħħar tal-1942, kienu bdew iħossu nuqqasijiet kbar f'munizzjon, kif ukoll ta' provvisti li l-iktar essenzjali kienu l-mediċini. Ħafna rapporti skont priġunieri Taljani stess kienu qed jimirdu b' mard bħal fosthom, is-sifilli (syphilis) u peress li l-penicillin kien skars, ma kienx hemm kura.