L-Ghasri 50 sena ilu

Abstract

It-tagħrif ta' din il-kitba huwa meħud prinċipalment mir-rapport taċ-Ċensiment miżmum fil-Gżejjer Maltin nhar it-Tnejn 14 ta' Ġunju, 1948. Dan iċ-ċensiment kien sar taħt il-liġi l-ġdida dwar iċ-ċensimenti, teknikament magħrufa bħala: 'l-Att nru. II ta' 1-1948 li jirregola ċ-ċensimenti'. Dan kien iċ-Ċensiment nru.11, miżmum f'dawn il-gżejjer taħt il-ħakma Ingliża. Iċ-ċensimenti preċedenti saru b'mod regolari f'intervalli ta' għaxar snin bejn 'il wieħed u l-ieħor. Ir-rapport ta' dan iċ-ċensiment huwa wieħed dettaljat ħafna - kif wara kollox kienu dawk preċedenti - u għal min il-figuri u ċ-ċifri ma jdejquhx, bi ftit ta' l-immaġinazzjoni u ħafna studju jista' jasal għal ċerti konklużjonijiet interessanti li jkomplu jixħtu aktar dawl fuq il-ħajja u l-istorja soċjali ta' ġensna. Għall-finijiet ta' din il-kitba, l-interess partikulari tagħna, kif appuntu jidher fit-titlu, ser ikun dwar ir-raħal ċkejken ta' l-Għasri.