Il-Knisja bhala l-gisem ta' Kristu

Abstract

Il-belt ta’ Efesu tinsab fuq il-kosta tal-punent tal-Asja Minuri, illum fi t-Turkija. Kienet il-belt kapitali tal-Provinċja Rumana tal-Asja Minuri. Ilbelt kienet magħrufa ħafna fl -antikità bħala ċentru kbir tal-maġija, fi l-fatt meta kien hemm San Pawl u n-nies bdew jaraw il-mirakli tiegħu, ħafna minn dawk li kienu jagħmlu s-sħarijiet ġiebu l-kotba talmaġija u ħarquhom (ara Atti 19:19). Hawnhekk San Pawl għamel madwar tliet snin bħala parti kbira mill-ministeru ta’ evanġelizzazzjoni matul it-tielet vjaġġ missjunarju, kif insibu tajjeb fi l-kapitlu 19 tal-Atti ta’ l-Appostli. Kien ukoll għamel żjara qasira hawnhekk wara Korintu, qabel ma temm it-tieni vjaġġ missjunarju, lura lejn Antijokja (ara Atti 18:18-22). F’Efesu nerġgħu niltaqgħu ma’ Akwila u Priska (Prixxilla) u ma’ Apollo, Lhudi għaref minn Lixandra (ara Atti 18:23-28). Minħabba dan iż-żmien twil ta’ San Pawl f ’Efesu xi studjużi jsostnu li xi ittri ta’ San Pawl għandhom rabta ma’ din il-belt. Minn hawnkekk kiteb żgur l-Ewwel Ittra lill-Korintin. Hawnhekk San Pawl jaħtar lil Timotju bħala ragħaj spiritwali ta’ din il-belt ferm importanti.