Innu solenni lil Gesu Salvatur : il-hames parti

Abstract

Fl-aħħar artiklu fis-serje ta’ kitbiet dwar l-Innu Solenni lil Ġesù Salvatur ta’ Mro. Antonio Miruzzi, li dis-sena nzerta għeluq il-75 minn mewtu, konna ħallejna f’idejn it-Tieni Ittra ta’ San Pietru li hemm f’Kapitlu 1, 16-18 biex insiru nafu aktar dwar it-Trasfigurazzjoni. Fl-istess artiklu tkellimna wkoll fuq l-għajna tant sabiħa li titkanta mill-Kor tat-Tfal, f’temp immarkat dejjem Allegretto, fi tliet bnadi differenti tal-Innu Solenni. F’dal-ħames u l-aħħar artiklu tiegħi li jitratta l-mużika tal-Innu, nixtieq nitkellem fuq tliet passaġġi partikolari li għadhom ma ġewx analizzati: l-Introduzzjoni (Maestoso), u l-passaġġ pjuttost twil li jiġi eżatt warajha, u li fih nibdew naraw deħlin xi vuċijiet fi stil reċitattiv, u l-passaġġ l-ieħor qasir, immarkat Andante, fejn jidħlu jkantaw t-Tenur u l-Baxx. Fl-istess ktieb tal-festa ta’ dis-sena għandkom issibu wkoll artiklu ieħor minn tiegħi li jittratta d-data tal-mewt ta’ dal-kompożitur prolifiku Malti li ħallielna tant u tant mużika sabiħa, kemm dik bandistika, kif ukoll orkestrali, fi stil aktarx sagru. Inħeġġiġkom biex taqrawh ukoll.