Miruzzi : 75 sena minn mewtu

Abstract

Fl-artiklu tas-sena l-oħra, bl-isem ta’ ‘Fuq il-Passi ta’ Miruzzi’, konna stabbilixxejna d-data preċiża ta’ meta twieled Mro Antonio Miruzzi, li mexxa diversi baned Maltin bejn l-aħħar snin tas-seklu 19 u l-ewwel tliet deċennji tas-seklu 20, fosthom is-Soċjetà Filarmonica ‘Nicoló Isouard’ tal-Mosta bejn l-1894-1909. Kellha tkun proprju dil-banda biex għenuti jikseb ċerta esperjenza fil-tagħlim u d-direzzjoni, u bis-suċċessi li kiseb magħha servew biex ismu jixtered fil-kamp mużikali ta’ żmienu. Dis-sena qed tinzerta wkoll il-75 waħda minn mewtu, li ġrat fit-23 t’Ottubru 1944, fil-għomor ta’ 78 sena. Ikun għalhekk tassew xieraq jekk inkomplu niċċelebraw ’il dal-kompożitur Malti li ħallielna ħafna u ħafna xogħlijiet bandistiċi sbieħ, fosthom l-Innu Solenni Alla Beata Maria Vergine għal dil-banda Mostija.