It-23 t’Ottubru 1944: 75 anniversarju

Abstract

Fl-2017, permezz tal-artiklu tiegħi ‘Ir-Re tal-Baned Maltin fl-Ewwel Tliet Deċennji tas-Seklu 20’ konna ċċelebrajna l-150 anniversarju mit-twelid tas-surmast Antonio Miruzzi (1867-1944) li kellu ħafna baned taħt idejh, fosthom is-Soċjetà Filarmonica ‘Santa Maria’ tal-Mosta, fil-bidu tas-seklu li għadda. Is-sena l-oħra wkoll, kont ktibt artiklu bl-isem ta’ ‘L-10 ta’ Marzu 1867’ dwar id-data preċiża ta’ meta twieled. Kif wieħed jista’ jinnota, l-artiklu ta’ dis-sena intitolajtu proprju ‘It-23 t’Ottubru, 1944’ biex nuri li qed inkompli fuq dak li ktibt is-sena l-oħra. Dan għaliex, dis-sena taħbat għeluq il-75 sena minn mewtu, li ġrat fit-23 t’Ottubru 1944, fl-età ta’ 78 sena. Għaldaqstant, permezz ta’ dal-artiklu, inkunu qegħdin inkomplu niċċelebraw ’l dal-kompożitur Malti li ħalla l-baned Maltin tant u tant xogħlijiet sbieħ.