Tagħrif storiku dwar il-Knisja Parrokkjali tal-Madonna tal-Karmnu, Balluta, San Ġiljan

Abstract

L-ewwel knisja tal-Madonna tal-Karmnu fil-post imsejjaħ "il-Balluta" f'San Ġiljan, bnietha l-Fratellanza tal-Madonna tal-Karmnu tal-Belt Valletta fl-1885. Il-fratelli wara ħafna taħbit, irnexxielhom jibnu kappella biex tkun ta' għajnuna spiritwali lis-sajjieda Ii kienu jgħammru fl-inħawi tal-Balluta u Iil ħafna oħrajn Ii kienu jmorru fl-istess inħawi għall-btajjel tas-sajf. Din il-kappella ittellgħet fl-għalqa magħrufa bħal "ta' Ljun", Ii kienet taħt idejn il-fratelli tal-Karmnu u Ii kienet ħallithielhom xi mitejn sena qabel is-sinjura Madelena Cardona en Re bħala legat taż-żwieġ Ii għadu jingħata sal-lum (1996) kull sentejn. L-ewwel ġebla tqiegħdet fil-21 ta' Novembru 1858 u damet tinbena disa xhur fuq stil longobard taħt it-tmexxija tal-perit Ġuże Bonavita. Fit-18 ta' Settembru 1859, Mons. Aċisqof Gaetano Pace Forno bierek solennement din il-kappella u qaddes fiha. Fuq I-altar maġġur tqiegħdet statwa tal-Madonna tal-Karmnu, l-istess xbieha Ii fi żminijietna toħroġ proċessjonalment f'jum il-festa Ii ssir fl-aħħar Ħadd ta' Lulju.