Il-Marjoloġija u l-Kult Marjan Matul il-Medda twila tas-Snin

Abstract

Fix-xahar ta' Settembru tas-sena 1983, fil-gżejjer maltin Inżammu d-IX Kungress Marjoloġiku lnternazzjonali u s-XVl-il Kungress Marjan lnternazzjonali. Dawn ii-Kungressi m'għandniex inħarsu lejhom biss bħala żewġ avvenimenti kbar fl-istorja Marjana tal-gżejjer Maltin, imma l-ewwel u qabel kollox bħalma qalulna l-lsqfijiet tagħna f'ittra Pastorali (1), dawn il-Kungressi għandhom iservu għalina lkoll ta' inċentiv biex aħna niġġeddu spiritwalment fis-sens Ii nieħdu aktar bis-serjeta I-bidla tal-moħħ u tal-qalb tagħna - proċess Ii jieqaf biss fuq is-sodda tal-mewt. Dan il-proċess huwa fuq kollox eżerċizzju tar-rieda tagħna biex nagħżlu dejjem it-tajjeb u tibdil għall-aħar fil-ħajja tagħna ta' kuljum. Pero, sabiex moħnna wkoll ikun imdawwal u nkunu nistgħu nagħmlu għażliet tajba, jiswa ħafna Ii nkunu nafu min hi l-Madonna Ii hija għalina xempju tal-qdusija u Ii jkollna ħjiel kif żviluppa fil-Knisja kollha t-tagħlim dwarha u l-kult lejha.