L-innu popolari ‘Kemm Inti Kbir’

Abstract

Wieħed mill-għanjiet reliġjużi l-aktar popolari hu bla dubju ta’ xejn l-innu ‘Kemm Inti Kbir’, li jikklassifika t-tieni wara ‘Amazing Grace’. M’għandniex xi ngħidu li dal-innu jindaqq ħafna fil-jiem tal-festa ta’ Kristu Sultan li tiġi ċċelebrata ġewwa Raħal Ġdid, kemm fil-festi ta’ ġewwa, fejn jitgħanna mill-kor tal-parroċċa, imsieħeb minn xi orgni jew orkestra, kemm dawk ta’ barra mill-baned tal-post u dawk mistednin. Ta’ kull sena għal dawn l-aħħar erba’ snin, fuq stedina tal-Għaqda Soċjali Mużikali Kristu Sultan Banda Paola, l-orkestra ukoll issellem lill-vara ta’ Kristu Re bid-daqq ta’ dal-innu minn fuq palk armat apposta waqt li din tkun għaddejja mill-pjazza fi triqitha lejn il-knisja parrokkjali f’jum il-festa.