Il-kult reliġjuż fl-arti u l-arkitettura

Abstract

In-numru kbir ta' oqbra taħt l-art, ipoġġi lill-gżira ta' Malta fl-ewwel post tir-Reġjun tal-Mediterran, f'dak li għandu x'jaqsam ma' fdalijiet antiki fejn jidħlu l-arti u l-arkitettura. Hi ħasra li ħafna minnhom ma għadhomx jeżistu aktar minħabba fl-iżvilupp tal-industrija tal-bini. Dak li nafu x 'kellna, nafuh mingħand Dr Annetto Caruana, arkeologu u biblijotekarju, li bejn l-1881 u l-1887 żar il-parti kbira ta' Malta, jiskava, jinnota u jpinġi dak li ra u sab. Għalhekk dak li nafu fuq l-arti u l-arkitettura ta' dan il-kult partikulari, nafuh bis-saħħa tiegħu. Sa minn żmien il-Kavallieri, l-istorja u l-ħajja tan-nies tal-qedem, il-gvernijiet tagħhom, ir-reliġjon, l-arti u l-arkitettura, dejjem tpoġġew f'livell baxx fl-importanza tagħhom. Qatt ma ħadna bis-serjetà monumenti, fuq wiċċ l-art jew taħt, li jagħtu qima lil dawk li telqu qabilna. Hawn qed naraw oqbra taħt l-art magħrufa bħala kolombari.