Il-gvernaturi Rumani fil-Palestina

Abstract

Wara r-rewwixta tal-Makkabin, il-preżenza espansiva tar-Rumani fil-Lvant Nofsani kienet aktar preżenza ta’ faraġ. Mhux ta’ b’xejn li l-Makkabin u mbagħad l-Asmonin ippruvaw iżommu relazzjonijiet ta’ ħbiberija magħhom. Hawnhekk ta’ min iżomm quddiem għajnejh dak li jikteb l-awtur sagru ta’ 1 Makk 8:1: “Ġuda sema’ b’isem ir-Rumani; x’qawwa militari kellhom, u kemm kienu jġibu lil min jinġibed lejhom; li kienu wkoll lesti li jagħmlu ħbieb ma’ dawk li jersqu lejhom, u li għalhekk kisbu dik il-qawwa kollha....”.