L-imtieħen tar-riħ fis-Siġġiewi

Abstract

Sa mill-ibgħad żminijiet in-nies kienu jiddependu għall-għajxien tagħhom miż-żrieragħ jew ċereali bħal qamħ, xgħir, qamħirrun, ross u oħrajn ta' din ix-xorta. Il-Maltin minn dejjem użaw il-ħobż magħmul mid-dqiq tal-qamħ bħala l-element bażi tal-ikel tagħhom. Il-qamħ irid, qabel xejn, jintaħan biex minnu joħroġ id-dqiq wara li jssaffa mill-qoxra u l-ħliefa ta' barra. Xi fdalijiet li jmorru lura għaż-żmien Neotiliku jagħtuna ħjiel ta' kif il-qamħ kien jitkisser bl-idejn ġewwa mehrież tal-ġebel u wara li jinsaħaq sewwa kienu jsaffuh minn għarbiel fin li minnu jgħaddi d-dqiq u jħalli warajh il-fdal tal-qoxra li ssir nuħħala tajba għall-għalf tat-tjur u l-bhejjem.