Il-kappella medjevali fil-Wied ta’ San Niklaw fil-Mellieħa

Abstract

Alla l-imbierek żejjen il-majjistral ta' Malta u l-inħawi tal-Mellieħa b'sensiela ta' għoljiet u widien infilzati bejniethom li kollha jiftaħru b'ħafna għelieqi kennija u għammiela u b'ilma ġieri ħiereġ minn bejn is-saff tal-Qawwi ta' Fuq u t-tafal ta' taħtu. Dawn il-widien, li huma miżgħuda b'ħafna għerien naturali, żgur li kienu fornew lill-ewwel nies li ġew Malta minn Sqallija b'abitazzjonijiet trogloditiċi u l-ħafna fdalijiet ta' fuħħar, oqbra puniċi u ċrieki tal-ħaġar huma kollha xhieda ta' dan.