Kif żviluppat u saret parroċċa l-Isla

Abstract

Fl-Isla llum il-ġurnata minbarra dawk li hemm fil-privat prinċipalment insibu tliet knejjes, dik ta San Ġiljan li l-ewwel darba nbniet fl-1311, tal-Porto Salvo, magħrufa aktar bħala ta' San Filippu u l-parroċċa ddedikata lil Marija Bambina. F'dan l-ewwel żminijiet sakemm ġew il-kavallieri din l-akwata ta' Malta kienet tissejjaħ l-Għolja ta' San Ġiljan, iżda meta l-kavallieri ġew Malta u stabbilew ruħhom f'dawn l-inħawi mod speċjali fil-Birgu għażlu li l-inħawi ta' fejn illum hawn l-Isla jiġu mibdula f'post ta' rikreazzjoni. Bnew xi palazzi, ħawlu kwantità kbira ta' siġar, bnew xi mtieħen biex ikunu jistgħu jitħnu l-qamħ tal-Ordni. Fuq din l-għolja kien hemm bosk li kien jintuża għall-kaċċa, tant li l-knisja ewlenija ta' dak iż-żmien kienet iddedikata lil San Ġiljan.