Ir-rikorsi ppreżentati mill-Arċikonfraternità tal-Kurċifiss wara l-ħerba tal-gwerra - it-tieni parti : 1953-1960

Abstract

Fil-ħarġa tas-sena l-oħra tajna daqqa t'għajn lejn it-talbiet li saru mill-Arċikonfraternità tas-Santissimu Kurċifiss tal-Belt Senglea fl-ewwel sitt snin ta' wara l-gwerra, meta l-ħajja fil-belt imġarrfa reġgħet bdiet tieħu r-ruħ. Ħafna mir-rikorsi li jikkonċernat il-bini mill-ġdid u l-akkwist ta' oġġetti li ntilfu kienu saru f'dawn is-snin. Għal din is-sena se nkomplu l-mawra tagħna fl-istorja ta' din l-Arċikonfraternità u l-Oratorju tagħha fl-għaxar snin ta' wara, fejn ix-xogħol ma jaqtax u fejn naraw l-akkwisti ġodda li saru bil-ħidma tal-prokuraturi l-Kanonku Vincenzo Camilleri u s-Sur Ġużeppi Genovese u s-Segretarju l-Kanonku Kantur Gaffiero.