Il-kappella f'ġieħ San Silvestru Papa

Abstract

Matul il-ħakma ta' l-Ordni, meta b'popolazzjoni ta' madwar 900 run, il-Mosta saret parroċċa fil-bidu tas-seklu XVII, nhar is-16 ta' Settembru 1608, mill-Isqof Tumas Gargallo, wara Ii ġiet maqtugħha mill-matriċi tan-Naxxar. Fi zmien it-tielet kappillan tal-Mosta Dr Dun Carlo Schembri (1647-1671), ġiet mibnija il-kappella ta' San Silvestru Papa, bi flus il-Kavallier Fra Silvestru Fiten. Din il-kappella kellha t-titlu ta' Commenda, imwaqqfa bl-atti tan-Nutar Mikiel Ralli, fl- 24 ta' Diċembru 1657. Jingħad li dan il-kavallier kien iħobb ħafna jżur il-Mosta. Sa bejn wieħed u ieħor ma' 40 sena ilu, mal-ġenb tal-kappella kienet tinsab remissa bl-arma ta' Silvestru Fiteni fuq il-bieb tagħha. Fiha kienu jinżammu ż-żwiemel u karozzella ta' dan il-kavallier meta kien jgħaddi xi jum għall-mistrieh fir-raħal tal-Mosta. Dan kien żmien meta r-reliġjon, in-nobilta u s-sengħa ta' l-armi kienu l-ogħla ħsibijiet ta' dawk Ii jirnexxu l-pajjiż. Dak kien żmien meta l-Mosti fqajjar kien jemmen bis-sħiħ Ii t-tama tgħajjex il-bidwi!